“Nos cortaron las hojas, nos quitaron nuestros frutos, talaron nuestros tallos; no pudieron con nuestras raíces…”
MARKA PANTA JAQI
Marka panta misti q’ara jaqi masi
Sallqhasiña munista, pallapalla jaqiruwa pantista
Munasitamasa sipitjaña munitu
muxsa ikijsa parjayistawa
supay tumayku, jilajatakixa atapallu
nayatakixa nina sank’u, utamasa aruni
awila anumasa nayampi k’upasiri
supay marka panta.
Jayri arumana katutasa, qixu qixuna lliphipampikiwa
Uywanaksa tumptapista, sunaqiwa jichruruxa sapxituwa
urt’awa sarakituwa, paxsi mama sumalla yatiyasita
Tata willka, kunatsa sawkasista
Kaukitsa anatjayista, usumpicha usnaqta,
Phiñasitamacha thayaru sinti khuyusiyi
Runkhamacha qutaru arnaqasiyi
Thuthuñamacha; qhanartañasa ch´amaktapiñasa
Tata willka, kunatsa sawkasista.
Wilajawa qurimpi ch’aqt’ata
janchijawa qulqimpi rimsuta
Ukatwa ispañula jaqi masijaxa
Nayaru arkanaqitu, pisqa pataka tunka suxtani marawa
Jiwayaña amtampi samantitu
urpuwa awayupampi janantasitaytu
siwanakatwa ist’asta, aymara masinikaxaxa khuyaña
takhiruwa puritayna, q’aranakana amparaparuwa wilsa lluxmayawatayna
uka yatisnsti amukiwa jik’ini jik’ini jachaqt’asta, killpt’asisawa pampawsa uñtarakta
amukiwa lakajsa ch’amampi jist’antasirakta.
Llakinsa taripata, thusunqayata ququni
Janiwa lakarusa ch’amanixti
Niyakitixa chu’qichuymawxtxa, arusnuqatajsa amtasiwxti
Qamaqitcha kunkapa maytasirikta, taqiru ist’ayañataki
Panti panqararu samiri kitulita, kunatsa armañaki munista
Lanlakuruti jalkatayitata, tutukarucha paykatayitata
Supay marka panta jaqi lurawimaxa lurawima.
Juchha phayatamasa q’atawi pisi
Pisqimasa añuthayana samantata
Allpi phayatamasa jusmarata
Jamp’i jawritamasa lakasa allirasiñpacha
Ch’uqi muntatamasa ina allqaki, khuchina t’inquratjama
Supay sallqa misti jaqi ukhamasti lurañati.
Jaya mara jaqinaka mä pitalla markasa jaktapiyañani
Pata pampa llamp’u uraqisaxa pachakutimpi tupantatawa kutini
Laq’a achachila awichanacasa thututawa sartapipxi
Mä pitalla panqaraña sipanxa, panqarañani.
Sallqhasiña munista, pallapalla jaqiruwa pantista
Munasitamasa sipitjaña munitu
muxsa ikijsa parjayistawa
supay tumayku, jilajatakixa atapallu
nayatakixa nina sank’u, utamasa aruni
awila anumasa nayampi k’upasiri
supay marka panta.
Jayri arumana katutasa, qixu qixuna lliphipampikiwa
Uywanaksa tumptapista, sunaqiwa jichruruxa sapxituwa
urt’awa sarakituwa, paxsi mama sumalla yatiyasita
Tata willka, kunatsa sawkasista
Kaukitsa anatjayista, usumpicha usnaqta,
Phiñasitamacha thayaru sinti khuyusiyi
Runkhamacha qutaru arnaqasiyi
Thuthuñamacha; qhanartañasa ch´amaktapiñasa
Tata willka, kunatsa sawkasista.
Wilajawa qurimpi ch’aqt’ata
janchijawa qulqimpi rimsuta
Ukatwa ispañula jaqi masijaxa
Nayaru arkanaqitu, pisqa pataka tunka suxtani marawa
Jiwayaña amtampi samantitu
urpuwa awayupampi janantasitaytu
siwanakatwa ist’asta, aymara masinikaxaxa khuyaña
takhiruwa puritayna, q’aranakana amparaparuwa wilsa lluxmayawatayna
uka yatisnsti amukiwa jik’ini jik’ini jachaqt’asta, killpt’asisawa pampawsa uñtarakta
amukiwa lakajsa ch’amampi jist’antasirakta.
Llakinsa taripata, thusunqayata ququni
Janiwa lakarusa ch’amanixti
Niyakitixa chu’qichuymawxtxa, arusnuqatajsa amtasiwxti
Qamaqitcha kunkapa maytasirikta, taqiru ist’ayañataki
Panti panqararu samiri kitulita, kunatsa armañaki munista
Lanlakuruti jalkatayitata, tutukarucha paykatayitata
Supay marka panta jaqi lurawimaxa lurawima.
Juchha phayatamasa q’atawi pisi
Pisqimasa añuthayana samantata
Allpi phayatamasa jusmarata
Jamp’i jawritamasa lakasa allirasiñpacha
Ch’uqi muntatamasa ina allqaki, khuchina t’inquratjama
Supay sallqa misti jaqi ukhamasti lurañati.
Jaya mara jaqinaka mä pitalla markasa jaktapiyañani
Pata pampa llamp’u uraqisaxa pachakutimpi tupantatawa kutini
Laq’a achachila awichanacasa thututawa sartapipxi
Mä pitalla panqaraña sipanxa, panqarañani.
